
ܬܠܬܒܫܒܐ، 10 ܒܬܫܪܝܢ ܐܚܪܝܐ
ܒܬܘܪܟܝܐ ܒܒܝܬ ܥܒܝܕܬܐ ܚܕܐ ܬܢܝܬܐ ܗܘܬ ܘܫܩܠܬܐ ܕܓܐܙܐ ܕܟܘܪܡܘܪ ܦܝܫܬܐ ܝܗܘܬ ܡܕܒܪܬܐ
ܬܢܝܬܐ ܒܒܝܬ ܥܒܝܕܬܐ ܕܥܠܝܐܓ̇ܐ
Ronahî: ܒܢܦܘܩܬܐ ܕܥܠܝܐܓ̇ܐ ܕܬܠܝܬܐ ܠܐܝܙܡܝܪ ܒܒܝܬ ܥܒܝܕܬܐ ܕܦܪܙܠܐ ܘܦܠܕܐ ܕܗܒܫ ܚܕܐ ܬܢܝܬܐ ܗܘܬ ܘܒܬܪܗ ܢܘܪܐ ܒܚܕܪܘܬܐ ܢܦܠܬܐ.
Ronahî: ܪܝܫ ܓ̇ܘܡܗܘܪܝܬܐ ܕܬܘܪܟܝܐ ܪܓ̇ܒ ܛܝܒ ܐܪܕܘܓ̇ܐܢ ܒܬܪ ܓ̇ܡܥܝܬܐ ܕܘܙܪ̈ܐ ܗܘܕܥܝ ܕܡܢܝܢܐ ܕܐܢܫܐ ܕܒܗܢܐ ܬܢܝܬܐ ܚܝܝܗܘܢ ܛܠܩܘ ܠܫܬܥܣܪ ܐܢܫܐ ܡܛܝܐ.
Kamîran: ܐܗܐ ܡܢܝܢܐ ܒܫܪܪܐ ܝܩܝܪܐ ܝܠܗ ܐܠܐ ܒܕܘܟܬܐ ܩܕܡܝܬܐ ܡܢܝܢ̈ܐ ܦܪܝܫ̈ܐ ܐܦ ܦܝܫܐ ܗܘܘ ܐܡܝܪ̈ܐ.
Ronahî: ܚܒܪ̈ܐ ܩܕܡܝ̈ܐ ܕܗܘܦܪܟܝܐ ܕܐܝܙܡܝܪ ܐܡܪܝ ܕܫܬܐ ܐܢܫܐ ܡܝܬ̈ܐ ܘܬܪܬܥܣܪ ܒܪ̈ܝܙܐ ܝܗܘܘ ܘܐܦ ܓ̇ܘܫܡ̈ܐ ܕܦܨܝܬܐ ܠܩܘܪܒܐ ܕܥܣܪܐ ܐܢܫܐ ܐܚܪ̈ܢܐ ܕܬܚܬ ܬܚܪ̈ܒܐ ܦܝܫܐ ܗܘܘ ܛܥܝ̈ܐ.
ܬܩܘܦܬܐ ܥܠ ܫܩܠܬܐ ܕܓܐܙܐ ܕܟܘܪܡܘܪ
Kamîran: ܡܢ ܓܒܐ ܐܚܪܢܐ ܒܬܝܡܢܐ ܕܩܘܪܕܣܬܢ ܡܢ ܚܕܐ ܓܒܐ ܐܚܪܬܐ ܒܢܝܢܐ ܕܐܢܪܓ̇ܝܐ ܗܘܐ ܡܕܒܪܐ ܕܬܩܘܦܬ̈ܐ.
Ronahî: ܐܬܡܠܝ ܒܠܝܠܝܐ ܒܛܝܣ̈ܐ ܕܠܐ ܛܝܣܐ ܬܩܘܦܬܐ ܥܠ ܫܩܠܬܐ ܕܓܐܙܐ ܕܟܘܪܡܘܪ ܕܒܐܬܪܐ ܕܓ̇ܡܓ̇ܡܠ ܗܘܬ. ܒܦܠܛܐ ܣܛܪܐ ܕܓܐܙܐ ܢܘܛܪܐ ܝܥܢܝ ܠܦܓ̇ܐ ܕܓܐܙܐ ܫܪܝܪܐ ܙܝܢܐ ܩܒܠܬܐ.
Ronahî: ܐܝܟ ܚܒܪ̈ܐ ܒܬܩܘܦܬܐ ܟܠ ܙܝܢܐ ܕܓܘܫܡܐ ܠܐ ܗܘܐ ܐܠܐ ܦܠܛܐ ܘܦܠܛܐ ܕܓܐܙܐ ܘܩܘܛܪܬܐ ܘܠܣܛܪܐ ܡܢ ܢܦܘܩܝ̈ܐ ܕܗܘܦܪܟܝܐ ܕܩܘܪܕܣܬܢ ܐܦ ܚܫܡܠܐ ܦܝܫܐ ܗܘܐ ܩܛܥܝܐ.
Kamîran: ܙܝܢܐ ܕܓܘܫܡܐ ܠܐ ܗܘܐ ܐܠܐ ܡܥܒܪܬܐ ܕܗܘ ܥܠ ܚܝ̈ܐ ܝܘܡܝ̈ܐ ܘܥܠ ܚܫܡܠܐ ܬܪܝܨܐܝܬ ܦܝܫܬܐ ܝܗܘܬ ܝܕܝܥܬܐ.
ܚܕܪܬܐ ܕܫܪ̈ܟܐ ܕܩܪܒܐ ܒܣܘܪܝܐ
Kamîran: ܒܣܘܪܝܐ ܐܦ ܫܪ̈ܟܐ ܕܬܢܝܬ̈ܐ ܗܢܘܢ ܚܝ̈ܐ ܕܝܠܘܕ̈ܐ ܫܩܠܝܢ.
Ronahî: ܒܐܬܪܐ ܕܕܘܐ ܕܒܡܥܪܒܐ ܕܬܕܡܘܪ ܟܕ ܝܠܘܕ̈ܐ ܥܢܐ ܡܪܥܝܢ ܚܕܐ ܡܝܢܐ ܬܢܝܬܐ ܘܬܠܬܐ ܝܠܘܕ̈ܐ ܒܦܠܛܐ ܚܝܝܗܘܢ ܛܠܩܘ.
Ronahî: ܒܩܪܝܬܐ ܕܐܠ ܪܟܒܐ ܕܒܬܝܡܢܐ ܕܬܠ ܬܡܪ ܐܦ ܬܢܝܬܐ ܕܣܛܪܐ ܕܫܪ̈ܟܐ ܕܩܪܒܐ ܣܒܒܬܐ ܕܒܪܝܙܘܬܐ ܕܬܪܝܢ ܐܚ̈ܐ ܝܘܣܦ ܦܘܐܙ ܐܪܝܒ ܕܐܪܒܥܣܪ ܫܢ̈ܐ ܘܡܘܣܐ ܕܬܠܬܥܣܪ ܫܢ̈ܐ ܕܡܢ ܪܝܫܐ ܘܥܝܢ̈ܐ ܕܝܠܗܘܢ ܒܪ̈ܝܙܐ ܗܘܘ.
Kamîran: ܝܥܢܝ ܒܬܪܬܝܢ ܐܬܪ̈ܘܬܐ ܦܪ̈ܝܫ̈ܐ ܕܗܘ ܐܬܪܐ ܕܚܕ ܕܝܠܗ ܡܢ ܓܕܫܐ ܝܠܘܕ̈ܐ ܡܕܒܪ̈ܐ ܕܗܢܘܢ ܫܪ̈ܟܐ ܗܘܝܢ.
Ronahî: ܐܝܟ ܡܢܝܢ̈ܐ ܕܢܛܪܬܐ ܕܙܕܩ̈ܐ ܕܒܪ̈ܢܫܐ ܕܣܘܪܝܐ ܡܢ ܪܝܫܐ ܕܫܢܬܐ ܬܪܬܝܢ ܐܠܦܝܢ ܘܥܣܪܝܢ ܘܫܬܐ ܗܠܗܫܐ ܬܪܬܡܐܐ ܘܬܡܢܝܢ ܘܫܒܥܐ ܐܢܫܐ ܚܝܝܗܘܢ ܛܠܩܘ ܘܐܪܒܥܡܐܐ ܘܫܬܝܢ ܘܚܡܫܐ ܐܢܫܐ ܐܦ ܒܪ̈ܝܙܐ ܗܘܘ.
ܛܘܦܢܐ ܒܗܘܦܪܟܝܐ ܕܐܝܠܡ
Ronahî: ܒܡܕܢܚܐ ܕܩܘܪܕܣܬܢ ܐܦ ܡܛܪܐ ܕܬܫܪܝܢ ܐܚܪܝܐ ܟܘܪܗܢܐ ܥܡܗ ܐܝܬܝܐ. ܒܗܘܦܪܟܝܐ ܕܐܝܠܡ ܡܢ ܡܛܪܐ ܥܙܝܙܬܐ ܒܪܒܐ ܡܢ ܡܕܝܢܬ̈ܐ ܛܘܦܢܐ ܩܡ ܗܘܐ.
Kamîran: ܐܗܐ ܗܘܦܪܟܝܐ ܡܢ ܓܒܐ ܕܐܝܩܪܐ ܕܟܠܟܠܐ ܐܦ ܒܥܣܩܘܬܐ ܝܗܘܬ.
Ronahî: ܛܘܦܢܐ ܒܩܫܝܘܬܐ ܥܠ ܡܕܝܢܬ̈ܐ ܕܐܝܠܡ ܘܕܗܠܘܪܢ ܘܕܐܘܕܢܢ ܘܥܠ ܢܦܘܩܝ̈ܐ ܕܚܕܪܘܬܐ ܢܦܠܬܐ. ܒܬ̈ܐ ܘܚܢܘܬ̈ܐ ܬܚܬ ܡܝ̈ܐ ܦܝܫܐ ܗܘܘ ܘܒܐܬܪ̈ܘܬܐ ܛܘܪ̈ܢܝ̈ܐ ܙܝܙܢ̈ܐ ܗܘܘ ܘܐܘܪ̈ܚܬܐ ܪ̈ܫܝܬܐ ܦܝܫܐ ܗܘܘ ܕܒܝܪ̈ܬܐ.