Ronahî: Şandeya DEM Partiyî ya Îmraliyî ke parlamenter Pervîn Buldan, Mîthat Sancar û parêzer Faîk Özgur Erol ra virazyaya, badê dîdara hîrê saetan a Abdullah Öcalanî reyde ci Girawa Îmraliyî ra peyser ame.

Ronahî: Şande bi armanca dîdarê Öcalanî reyde ewro şiyêne girawe û badê civînî meştê açarnayîşî belaw keno.

Kamîran: Coka meşte melumatê newey têberê pawitiş.

Ronahî: Şengalî de bi îştîrakê sey hezar kesan, şehîdê fermana hîrêyine ya Tebaxa dulmbês çardevîstûçarine bi vêsnayîşê mûman ameyî crayîs kerdiş.

Ronahî: Merasîmî de wazîyayê ke Iraq û pêro dinya heqê komela Êzidî bidê û hestê şehîdan ci mîyanê goran ê komî ra bikişê.

Ronahî: Fermandariya Yekîneyanê Ceniyanê Şengalî açarnayîşê xo de îşaret kerd ke rêxistina ceniyanê Êzidî tu wextî nêverdana ke reyna komela bêro qirkerdiş.

Kamîran: Ci hetêk ra fermandarê giştîyê QSDî Mazlûm Ebdî va ke eşkerakerdişê çarenûsê pêro kesanê ke ameyî revnayîş û teqezkerdişê ewlehiya Şengalî berpirsiyariyêka exlaqî, merdimane û mîyanmiletane a.

Ronahî: Herwina Meclisa Gelî ya Mexmûrî û Partiya Cuya Azad a Kurdistanî zî açarnayîşanê xo de dîqet antê ser wê ke gereka hêzê azadîwazan û komela mîyanmiletane seba azadkerdişê bi hezar Êzidiyanê ke ameyî revnayîş bixebitê.

Ronahî: Herêma Kabalê ya parêzgeha Xyber Pakhtunkhwa ya bakurê rojavayê Pakistanî de êrişêka xokiştişî verê qereqola polîsan de ame kerdiş.

Ronahî: Gorey rayedaranê ewlehiyê êrişî de êrişkar, panc polîs û heşt sivîlî ameyî kiştiş û hîrês kesî zî birîndar bîyî.

Kamîran: Rewşêka bi na tewir herêmanê sînorî yê Pakistanî de zaf reyan têkrar bena.

Ronahî: Serokê Amerîka Donald Trumpî qerara êriş a ser Îranî vindarna la a qerar bi lezîya resayîşa lihevkerdişî ya Tehranî reyde girêdaya ya.

Ronahî: Rayedaranê Îranî îdîayê Trumpî yê ke vatêne Tehranî Washingtonî ra waşta ke êrişî vindarno sey zûrî nam kerdî û ragihandî ke hêzê leşkerî yê îne asta tewr berze ya alarmî de yê.

Kamîran: Coka rewşa herêmî hîna zî tengezar mendena.