Ronahî: Herêma Floresî ya Endonezya de erdlerzêk bi dereca panc u hewti bi, dima di lerzê bini bi dereca panc virgül şeş u şeş virgül yew zî herêm de biyi.

Ronahî: Gorey Ajansa Neteweyî ya Îdareyê Karesatan, heta nika çewres u hewt kesî canê xo ji dest dayê u panc sey u çewres u şeş çîyî, heştay u hewt binaya perwerdeyî u hîrês binaya sihetî ziyan dî.

Ronahî: Coka seba tsunamî hişyarîyêka newiye ame dayîş, la hema tu malumat derheqê ziyananê binan de nêame ragihandiş.

Kamîran: Dima Kolombiya, no erdlerzo pil o dîyin o çend rojan mîyan de.

Ronahî: Komîsyona Berza Bicihanîna Peymana Ewlehîyê ya mîyanê Iraq u Îranî Hewlêr de top bi.

Ronahî: Cîvênî de derheqê bendanê ke ame bicihanîş de qisey ame kerdiş u tekez ame kerdiş ser koordînasyona pîya ya mîyanê hukûmeta federalî u Hukûmeta Herêma Kurdistanî de.

Kamîran: Cîvên o wextêk de yo ke ewlehîya sînoran seba her di teref zî muhîm a.

Ronahî: Artêşa Îsraîlî ragihand ke êrîşêka hewayî ser merkezê fermandarîya Hêza Ridwanê ya girêdayîya Hizbullahî herêma Ensarî ya başûrê Lubnanî de kerd u dima serkerde Elî Semîr El Hac Hesen ame kiştiş.

Ronahî: Gorey wezareta sihetî ya Lubnanî, êrîşanê Îsraîlî de bi giştî yewendes kesî canê xo ji dest dayê u new u des kesê bînî zî birîndar biyî.

Kamîran: Berdevkê artêşî va no êrîş cewabê operasyona Hizbullahî ya ru ber hêzanê Îsraîlî yo.

Ronahî: Rayedaranê Îranî cîya va ke Qeterî şeş meng o hîrê pîlotê Îranî yê bi namanê Cewad Salihî, Ebdulmecîd Deştiyan u Umranî girewtê u waşt Xaça Sûre ke destwerdanê bikero.

Ronahî: Wezareta teberî ya Qeterî no îdia red kerd u va o pîlotî dima binpêkerdişê asîmananê Qeterî ame hişyarkerdiş u dima zî gaman ke lazim bîyî ame eştiş.

Kamîran: No nakokî mîyanê hewldananê kêmkerdişê tundîyê yê herêmî de vejîya.

Ronahî: Şewa vîyarti navçeya Gulaley ya girêdayîya parêzgeha Diyalayî de çêyêk de vêşayîş vejîya.

Ronahî: Netîce de hîrê domanî canê xo ji dest dayê u mareya inan zî bi giranî birîndar biye, pî zî ame girewtiş.

Kamîran: Çimeyan va bûyer gumanî ser keyeyî virast.