Ronahî: Vîrara ma qalê hêrişê serê keyeyanê koçberan ê Girê Spî kerdbi ke waştêne agêrê keyeyanê xo. Ewro Meclisê Sûrîyeya Demokratîke û partîyanê sîyasîyan eşkerayîye daye û no hedîse sey binpaykerdişê pêkerdişê vîst û newê Çeleyî name kerd.

Ronahî: Bacaranê Qamişlo û Til Temirî de zî şarî rayraşîyayîşî viraştî û hikumeta sewqîyatî ra waşt ke berpirsîyarîya pawitişê şarî bigêro xo ser.

Kamîran: Nê hêrişan dima, derheqê agêrayîşê keyeyanê bînan de melumatêko newe esto?

Ronahî: Eya, agêrayîşê karwanê hewtinî yo ke qerar bi heştse ra zêdeyêr keyeyanê Serê Kaniyê agêrno keyeyanê înan, seba wextêkê nê dîyarî ame peyserxistene. Sebebê taloqkerdişî bi fermî nêameyo parekerdene.

Kamîran: Kîşta bîne ra, mabênê Urdun û Sûrîye de têgêrayîşê neweyî yê asayîşî estê.

Ronahî: Hikumeta Urdunî pare kerd ke hêrişanê hewayî yê vîrara yê verocê Sûrîye dima, komîteyêka hempar nêna ro. Emman vano înan ê baregehê ke pêwendîya înan bi hêrişê serê dêra wîlayetê Karakî re bîye kerdê amanc.

Ronahî: Serebrayê nê operasyonan, dergehê sînorî yê Nesîb û Cabirî yo mabênê her di welatan de seba derbazbîyayîşê hecîyanê sûrîyeyîcan û hemwelatîyanê ke agêrenê welat reyna ame akerdene.

Ronahî: Wendekarê bacaranê Dêrik û Zirganî zî seba heqê perwerdeyê ziwanê maye vejîyayî waran.

Ronahî: Înan qerarê wezareta perwerdeyî ya hikumeta sewqîyatî red kerd û waşt ke ziwanê kurdkî qanûnê bingeyên ê newe yê Sûrîye de sey ziwanê fermî bêro şinasnawene.

Kamîran: Nê nêrazîbîyîşî nîşan danê ke qerarê hikumeta sewqîyatî meydan de rastê xo-verdayîşêkê eşkerayî yenê.

Ronahî: Îran de zî baskîyê serê aktîvîstan dewam kenê. Hemwelatîyo bi nameyê Nebî Sofî yo ke şarê Sayînqelayî yo, parekerdişanê serê medyaya komelkîye raye ra bi hîrê serrî û şeş menganê hepisxaneyî ame cezakerdene.