Ronahî: Hewtê û dı saetanê vîyarten de xeylê herêmanê Sûriye de varanêko zaf xurt vara û bi sebebê arêbîyayîşê awe û lehiyanê girzan. Goreyê eşkerakerdişê tîmanê heqê merdıman û sewqiyatê karesatan ê girêdayeyê Wezaretê Vêrardişê Lezî û Îdareyê Karesatan ê Sûriye, heta nıka tewr kêmî hewt kesan cuya xo kerd vînî.

Ronahî: Tîman da zanayene ke wîlayetanê sey Heleb, Reqa, Dêrezor, Hesiçe, Hema, Hums, Laziqiye, Tertûs û Dera de destserberdiş ame kerdene şeş sey hedîseyan ser o û pêro mintiqa de xisaro maddî yo berçem ame meydan.

Kamîran: Zaf sûkî kewtî binê bandora na rewşa awarte û tîmê xelisnayîşî zaf cayan de felse kene ke komakî biresnê şarî.

Ronahî: Cora zî, dewa Til Birakî ya herêma Hesiçe de felaketêke ameye domanan ser; dewa Til Zehebî de çor domanî çalêka awe ya vetena qumî de bîyî binetê awe.

Ronahî: Goreyê xeberanê peyênan, înan çor domanan ra yewî cuya xo kerd vînî û hîrê kesê bînî awi ra ameyî vetene, ke rewşa yewî ji înan giran a.

Kamîran: Minbic de zî yew hedîseyo giran qewimîya.

Ronahî: Goreyê sewqîyatê heqanê merdıman ê sûke, taxa Nifûsî ya Minbicî de hêrişêko çekdar virazîya. Çend çekdaranê miyanê yew erebe ra rasterast gule varnayê yew pî û lajê ey ser û dıma zî cayê hedîseyî ra remayî.

Ronahî: Netîceyê nê hêrişî de her dı kesan, pî û lajî, cuya xo kerd vînî. Heta nıka nasnameyê hêrişkeran û sebebê nê hedîseyî nêzanîyeno.

Kamîran: Verocê Sûriye de zî roco bîn ê asayîşî esto ke tede nameyê Îsraîlî vîyareno.

Ronahî: Zimê Quneytîra de, rayîrê mîyanê Xan Ernebe û dewa Ofaniya de, quwetanê Îsraîlî noqtaya kontrolî ser o çor kesî tepişti bî. Sewqîyatê heqanê merdıman ê Sûriye da zanayene ke quwetanê Îsraîlî înan çor kesan ra dı kesî verdayî, la aqûbetê dı kesanê bînan hema rind bellî nîyo.

Ronahî: Heto bîn ra, çimeyanê herêmkîyan da zanayene ke yew dewriyeya Îsraîlî ya şeş wesayîtanê eskerkîyan ra pêk ameybî kewta mintiqaya Qurumî ya ke nezdiyê Mezreat Beyt Cinî ya, û heman wext de teyareyê bêteyarevanî asmênê mîyanê Dera û Şamî de fetilîyayî.

Kamîran: No hereket tenya bi erdo Sûriye sînordar nêbi, sînorê Lubnanî ser o zî bombarduman bibi?

Ronahî: Eya, teyareyê cengî yê Îsraîlî verocê Lubnanî de dormeyê Hedasa ya girêdayeya Bint Cibêlî kerdî hedef û topxaneya înan zî dormeyê Nebetiye Foqa, Konîn, Serbîn, Beyt Lîf û Wadî Hecîrî girewtî binê topan.

Kamîran: Heto bîn ra, mintiqaya deryayî ya herême ra zî yew xebere teqayîşî ameye.

Ronahî: Hêzê Deryayî yê Ordiyê Îranî da zanayene ke rocvetişê Tengawa Hurmuzî de, yew keştiya petrolî bi mayîne teqaye û cora zî adir vejîya. Goreyê eşkerakerdişê înan, keştîye yew mintiqaya qedexekerde ra vîyartêne û goreyê pîvananê dîyarkerdeyan hereket nêkerdêne.