Rojev

Wednesday, November 11

Ebû Dabî de pêvînayîşê Rûsya û Ukrayna yê bi mîyanbênkarîya Amerîka dest pêkerdî

3:03
0:003:03

Ebû Dabî de pêvînayîşê Rûsya û Ukrayna

0:19

Kamîran: Dima yew mabênê dergî, reyna hewldanêko dîplomatîk o rîbirî serê masa de yo.

Ronahî: Pêvînayîşê hîrêhetî yê bi mîyanbênkarîya Amerîka Ebû Dabî de dest pêkerdî û roca verêne ya pêvînayîşan qedîyaye; pawîyeno ke pêvînayîşî meşte zî dewam bikerê.

Ronahî: Serekê Ukrayna Volodymyr Zelensky pare kerd ke rojeve de babeta merdimayîye, bi taybetî peyagêrayîşê dîlan û agêrayîşê tutan bîyî.

Kamîran: Labelê meydanê şerî de têgêrayîş nêvineto.

Ronahî: Wezaretê Pawitişî yê Rûsya da zanayene ke hêzê înan mentiqaya Sumy de qezaya Nikolskoye girewta binê kontrolê xo û eynî wext de seranserê mentiqa de fuzeyî û dronî ameyê fîşnayene.

Rojawanê Kurdîstanî de nêrazîbûnê wendekaran

1:02

Ronahî: Qamişlo, Girkê Legê û Rimêlan de wendekarî vejîyayî kuçeyan.

Ronahî: Sebeb, qerarê Wezaretê Perwerdeyî yê hikûmetê ravêrberdişî yê Sûrîya yo ke dersê ziwanê kurdkî hefte de daxistê hîrê seatan.

Kamîran: Wendekarî wazenê ke temamê perwerdeyî bi ziwanê dadîye dewam bikero.

Ronahî: Rimêlan de wendekarî şîyî verê dergê Îdareyê Mekteban û vat ke ê nê qerarî red kenê û nêwazenê derbazê sîstemê neweyî bibê.

Xeze û dormeyê Şamî de hêrişê eskerî

1:30

Ronahî: Çimeyanê weşîye yê Filistînî da eşnawitene ke hêrişê hewayî û gulevaranê hêzanê Îsraîlî yê Xeze de çar kesan cuya xo vîndî kerda.

Ronahî: Hêrişê serê yew wareyê koçberan ê taxa Zeytûnî de pî û lajê ey o des û hîrê serre cuya xo vîndî kerde.

Kamîran: Artêşa Îsraîlî vat ke înan tayê çekdarî kerdê hedef, labelê bîlançoya sîvîlan giran a.

Ronahî: Hetê bînî ra, hêzanê Îsraîlî bi di obusan dormeyê qezaya Beyt Cinî ya rojawanê Şamî zî topbaran kerd; serê netîceya nê hêrişî de hema tu melumatê bînî nêameyê parekerdene.

Rayîrê lezîn ê Bulgarîstanî de qeza

2:06

Kamîran: Rojhelatê Ewropa de zî qezayêka girane ya trafîkî ameye meydan.

Ronahî: Rayîrê lezîn ê nêzîkê bajarê Yambolî yê Bulgarîstanî de, dumanê zafî ra nêzîkê pancas erebeyî pê kewtî.

Ronahî: Na qeza de diwês kesan cuya xo vîndî kerde û pancas kesî zî dirbetin bîyî.

Ablaqaya Îranî ser o eşkerayîya Amerîka

2:23

Kamîran: Sehneyê sîyasetê teberî yê Amerîka de zî heqê Îranî de tewirêko newe ame eşkerakerdene.

Ronahî: Wezîrê Karanê Teberî yê Amerîka Marco Rubio dima kombîyayîşê wezîranê teberî yê grûba hewtan ê Parîsî de da zanayene ke ceza û ablaqaya deryayî ya vera Tehranî netîce dana.

Ronahî: Rubio da dîyene ke serekê Amerîka Donald Trump na merhele de lüzûm nêvîneno ke vera Îranî yew operasyono hîra yo eskerî bêro destpêkerdene.

Rojê verênî