
Kirê, 22 Mijdare
Pêkameyê Kendawî zêde benê û Silêmanî de biryarê cenîyan ameyî eşkerakerdene
Tengawa Hurmizî de tansîyon û daxuyanîyê hemverî
Ronahî: Mewkîyê Kendawî û Tengawa Hurmizî de lebatê leşkerî hîna zêde bîyê. Îranî îdîa kerd ke înan bi yew sîstemo newe yo pawitişê hewayî nezdîyê Dawa Qeşmî de yew drona Amerîka fîşta war.
Ronahî: Heto bîn ra rayedaranê leşkerî yê Îranî îdîa kerd ke înan yew teyareya şerî ya Amerîka zî kerda hedef, la Fermandarîya Merkezî ya Amerîka nê îdîayî temamîye ra red kerdî û pare kerd ke heme firokeyê înan ê herême weş û war ê.
Kamîran: Derya ser o zî xeberê hêrişan est ê.
Ronahî: Heyeta Xebatanê Bazirganîya Deryayî ya Brîtanya da zanayene ke hemverê bajarê Xesbî yo ke deryakenarê Umanî de yo, di keştîyî dîyayê bimbeyan ver, la çimeyê hêrişî nêame eşkerakerdene. Eynî wext de başûrê Îranî de nezdîyê bajarê Sîrîkî vengê teqînêka pîle hetê deryayî ra ame goşdarîkerdene.
Ronahî: Hetê bînî ra Wezaretê Karanê Zereyî yê Behreynî pare kerd ke merkezêkê sîvîlî yo sanayîye de adir vejîyayo û înan Tehran bi nê hêrişî tawanbar kerd, her çiqas zerar tena madî bîyo zî.
Netîceya Platformê Yewîya Neteweyî ya Cenîyan Silêmanî de
Kamîran: Vîrên ma behsê kombîyayîşê cenîyan ê Silêmanî kerdbi; ewro êdî netîceyê a roniştêne dîyar bîyî.
Ronahî: Platformê Yewîya Neteweyî ya Cenîyan ê Kurdan kombîyayîşê xo yo Silêmanî ra dıme yew netîce eşkera kerde. Nunerê her çar parçeyanê Kurdîstanî serê pawitişê destkewteyanê têkoşînê cenîyan û xurtkerdişê pêtîye de ameyî werê.
Ronahî: Eşkerayîye de ame waştene ke vera qeyrananê sîyasî û komelkîyan ê herême gamê pratîkî bêrê eştene û xebatê hemparî hîna zêde bibê.
Hewlêr de pêvînayîşê YNK û PDKî
Ronahî: Hewlêr de mîyanê Partîya Demokrat a Kurdîstanî û Yekîtîya Nîştimanî ya Kurdîstanî de kombîyayîşêk virazîya.
Kamîran: No pêvînayîş serê kamcîn sewîye de bi?
Ronahî: Heyetî sewîyeya mektebê sîyasî de bîyî; hetê Yekîtîye ra Rêwaz Fayîq û Yusif Goran, hetê Partîya Demokrate ra zî Piştîwan Sadiq û Mehmûd Mihemed tewrê ci bîyî.
Ronahî: La heyf ke dêmeyê roniştêne de derheqê babete û muhtewaya qalibîyayîşan de qet yew eşkerayîya resmîye nêameye dayene.
Awdanan de destbendkerdişî zêde benê
Kamîran: Rojhelatê Kurdîstanî de zî tezyîqê asayîşî yê serê şarî dewam kenê.
Ronahî: Qezaya Awdananî ya ser bi wîlayetê Îlamî de, dêmeyê çalakîyanê peyênan de amaro kesê ke ameyê destbendkerdene zêde bîyo.
Ronahî: Raporê heqanê merdiman dîyar kenê ke amaro zîndankerdeyan resa mabênê new heta diwês kesan, û aqûbetê çend heb kesan nînan ra hema zî dîyar nîyo.
Sûrîye de mergê hîrê kesan sînor ser o û mayînan ver
Ronahî: Sûrîye de hedîseyê cîya-cîyayî yê şîdetî cuya sîvîlan mihef kenê.
Ronahî: Nezdîyê Dêrikî de, yew xortê dewanê Hesekê wexto ke waştêne seba gurî ravêro heto bîn ê sînorî, guleyanê cendirmeyanê Tirkî ver cuya xo kerd vînî.
Kamîran: Mewkîyanê bînan de zî dermanê mendeyê şerî talukeyêko pîl ê.
Ronahî: Goreyê Dîdevanîya Heqanê Merdiman a Sûrîye, Minbic de yew xort wexto ke cayo xo cot kerdêne û dewa Kefer Sexîr a zimeyê Helebî de zî yew şanike, teqayîşê mayînanê mendeyanê şerî ver cuya xo kerd vînî.