Ronahî: ܠܩܘܪܒܐ ܕܚܢܣܘܪ ܒܫܢܓܐܠ، ܩܒܪ̈ܐ ܓܘܒܝ̈ܐ ܕܫܡܗ̈ܐ ܕܫܬܝܢ ܘܬܪܝܢ ܩܘܪ̈ܒܢܐ ܕܦܪ̈ܡܢܐ ܥܠܝܗܘܢ ܡܢ ܒܬܪ ܚܕܥܣܪ ܫܢܝ̈ܐ ܦܬܝܚܐ ܝܢܐ.

Ronahî: ܦܓܪ̈ܐ ܒܫܢܬܐ ܕܐܠܦܝܢ ܘܚܡܫܬܥܣܪ ܒܐܘܪܚܐ ܠܐ ܩܢܘܢܝܬܐ ܘܕܠܐ ܢܡܘܣ̈ܐ ܡܫܬܪܝܬ̈ܐ ܦܝܫܐ ܝܗܘܐ ܠܗܘܢ ܦܠܛܐ؛ ܒܝܬܝ̈ܐ ܚܕܥܣܪ ܫܢܝ̈ܐ ܝܢܐ ܒܣܦܪܐ ܕܝܕܥܬܐ ܕܫܡܗ̈ܐ ܕܝܠܗܘܢ.

Kamîran: ܝܥܢܝ ܚܕܥܣܪ ܫܢܝ̈ܐ ܝܢܐ ܕܐܢܝ̈ܐ ܒܝܬܝ̈ܐ ܒܣܦܪܐ ܕܓܪ̈ܡܐ ܕܐܢܫ̈ܐ ܕܝܠܗܘܢ ܝܢܐ.

Ronahî: ܒܕܟܪܢܐ ܕܬܪܬܥܣܪܝܬܐ ܕܣܗܕܘܬܐ ܕܫ. ܓܝܠܢ ܒܪܓܣ ܐܦ ܛܠܒܬܐ ܕܣܦܪܐ ܕܓܪ̈ܡܐ ܕܩܘܪ̈ܒܢܐ ܚܕܐ ܓܗܐ ܐܚܪܬܐ ܦܝܫܬܐ ܝܠܗ̇ ܬܢܝܬܐ.

Ronahî: ܐܘܡܬܬ̈ܐ ܚܕܐ̈ܬܐ ܡܘܕܥܬܐ ܝܠܗ̇ ܕܬܫܥܝܢ ܘܐܪܒܥܐ ܡܢ ܡܐܐ ܕܥܡܪ̈ܐ ܕܥܙܐ ܠܝܬ ܠܗ̇ܘܢ ܡܛܠܬܐ ܘܣܢܝܩܘܬ̈ܐ ܪ̈ܫܝܐ ܕܒܝܬܐ.

Ronahî: ܡܢ ܥܠܬܐ ܕܚܪ̈ܒܐ ܪ̈ܘܝܚܐ ܕܒܝܬܐ ܘܕܫܬܐܣܬ̈ܐ ܘܛܥܘܢܬܐ ܕܠܐ ܦܣܩܬܐ ܗܢܐ ܡܢܝܢܐ ܦܝܫܐ ܝܠܗ̇ ܡܘܕܥܐ.

Kamîran: ܐܗܐ ܢܘܒܐ ܥܠܝܐ ܝܠܗ̇ ܕܗܠ ܐܕܝܘܡ ܦܝܫܬܐ ܝܠܗ̇ ܡܘܕܥܬܐ.

Ronahî: ܫܘܬܦܘܬܐ ܕܗܪܐܢܐ ܡܘܕܥܬܐ ܝܠܗ̇ ܕܐܪܒܥܣܪ ܕܝ̈ܢܐ ܥܠ ܬܪܬܝܢ ܢܫ̈ܐ ܦܠܚܢܝ̈ܬܐ ܕܐܣܝܪܬܐ ܠܚܘܣܪ̈ܢܐ ܕܚܓܒܐ ܐܠܨܝܐ ܦܝܫܐ ܝܢܐ ܦܬܝܚܐ.

Ronahî: ܚܕܐ ܡܢܗܝܢ ܢܙܢܝܢ ܗܘܣܝܢܦܘܪ ܝܠܗ̇، ܬܠܬܝܢ ܘܐܪܒܥ ܫܢܝ̈ܐ ܐܝܬ ܠܗ̇، ܝܡܐ ܕܬܪܝܢ ܝܠܕ̈ܐ ܘܡܢ ܩܪܝܬܐ ܕܫܢܘܐ ܝܠܗ̇.

Kamîran: ܝܥܢܝ ܚܘܣܪ̈ܢܐ ܥܠ ܢܫ̈ܐ ܗܫܐ ܐܦ ܗܫܐ ܒܩܝܡܐ ܝܢܐ.

Ronahî: ܒܡܕܝܢܬܐ ܕܩܪܝܒܝ ܪܝܗ ܒܐܘܩܪܢܝܐ ܒܬܘܩܦܬܐ ܕܪ̈ܚܦܐ ܕܚܝܠܘܬ̈ܐ ܕܪܘܣܝܐ ܫܬܐ ܐܢܫ̈ܐ ܩܛܝܠܐ ܘܩܘܪܒܐ ܕܬܫܥܝܢ ܐܢܫ̈ܐ ܦܝܫܐ ܝܗܘܐ ܠܗܘܢ ܓܪ̈ܝܫܐ.

Ronahî: ܘܠܝܐ ܕܐܬܪܐ ܐܘܠܟܣܢܕܪ ܗܢܙܐ ܐܡܪܐ ܝܠܗ̇ ܕܡܢ ܓܪ̈ܝܫܐ ܫܬܐ ܝܠܕ̈ܐ ܝܢܐ ܘܐܗܘܠܬܐ ܕܝܠܗܘܢ ܝܩܝܪܬܐ ܝܠܗ̇.

Kamîran: ܡܢܝܢ̈ܐ ܕܓܪ̈ܝܫܐ ܙܝܕܐ ܝܢܐ ܡܢ ܬܩܘܦܝ̈ܐ ܕܩܕܡܐ ܥܠ ܐܙܠ̈ܐ ܡܕܝܢܬܢܝ̈ܐ.

Ronahî: ܒܩܪܝܬܐ ܕܥܝܢ ܐܠܩܣܒ ܕܐܕܠܒ ܒܬܘܩܦܬܐ ܕܦܘܚܪܐ ܕܒܝܬܐ ܬܠܬܐ ܐܙܠ̈ܐ ܡܕܝܢܬܢܝ̈ܐ، ܓܘܐ ܓܒܪܐ ܘܒܟܬܗ ܘܐܚܘܗܝ ܚܝܐ ܕܝܠܗܘܢ ܛܠܩܐ ܘܫܬܐ ܐܢܫ̈ܐ ܐܚܪ̈ܢܐ، ܓܘܐ ܝܠܕ̈ܐ، ܦܝܫܐ ܝܗܘܐ ܠܗܘܢ ܓܪ̈ܝܫܐ.

Ronahî: ܦܘܚܪܐ ܡܢ ܒܬܪ ܦܠܓܐ ܕܠܝܠܝܐ ܕܥܪܘܒܬܐ ܗܘܐ ܘܚܝܠܐ ܕܢܛܪܬܐ ܕܐܙܠ̈ܐ ܡܕܝܢܬܢܝ̈ܐ ܒܕܘܟܬܐ ܕܗܘܦܟܐ ܝܠܗ̇.

Kamîran: ܗܘܦܟܐ ܐܚܪܢܐ ܒܣܘܪܝܐ ܐܦ ܗܘ ܡܚܘܝܐ ܝܠܗ̇ ܕܐܗܘܠܬܐ ܕܐܣܝܘܬܐ ܗܫܐ ܐܦ ܗܫܐ ܡܠܝܬܐ ܝܠܗ̇ ܚܘܫܟܢܘܬܐ.