Kamîran: Vîrî ma qala waştişanê perwerdeyê ziwanê kurdkî yê Dêrik de kerdbi, labelê ewro aseno ke çalakîyî zaf merkezanê bînan de zî bîyî viraxt.

Ronahî: Eya, wendekarê bajaranê Qamişlo, Dêrik, Girkê Legê û Hesekê vera biryara Wezaretê Perwerdeyî ya hikumeta veguhêze ya Sûriye rayra şîyî. Na biryare dersanê ziwanê kurdkî yê mekteban de hewte de tenya bi hîrê saetan sînor kena.

Ronahî: Qamişlo de wendekarî Çerxereya Osman Sebrî ra heta Mudirîyetê Perwerdeyî rayra şîyî û Dêrik de zî wendekaranê Fakulteya Kultur û Hunerî bi yew eşkerayîye paştdayîşê xo seba biryara Meclisê Zanîngeha Rojava mojna.

Kamîran: Nê çalakîyî tenya yê ewroyî nîyê, çend hewteyî yo dewam kenê.

Ronahî: Wendekarê herême şeşê Êlule ra nata seba heqê perwerdeyê bi ziwanê kurdkî têgêrayîş de yê û pare kerd ke heta na biryare nêvuriya ê do dest kuçeyan ra bernêdê.

Ronahî: Verocê rojhelatê Ukrayna de, yew dewa herêma Zaporîjya de hêrişêko giran ê hewayî ame meydan.

Ronahî: Serekê Ukrayna Volodymyr Zelensky pare kerd ke nê hêrişê Rûsya de tewr kêmî heştês kesan cuya xo kerd vînî.

Kamîran: Zelensky derheqê cayê hêrişî de zêdetir melumat pare kerd?

Ronahî: Goreyê eşkerayîya ey, dewe saetanê şewdiro binê bombardumanî de bîye û yew lêdayîş rasterast kewto bînaya mektebêk ke seba vilakerdişê ardimê merdimayî amêne xebitnayene.

Kamîran: Kîştêka bîne ra, Miletê Yewbîyayeyî derheqê weziyetê rojnamageran de yew rapora newîye weşana.

Ronahî: UNESCO bi hesteyê Roca Mîyanneteweyî ya Qedênayîşê Bêcezabîyayîşî ya seba sûcanê vera rojnamageran, rapora xo ya di serran eşkera kerde. Goreyê raporî miyanê di serran de sed û heştay û new rojnamager û xebatkaranê medya cuya xo kerd vînî.

Ronahî: Rêxistine dîna serê sewiyeya bêcezabîyayîşî zî ante û da zanayene ke zafaneyê sûcanê vera xebatkaranê çapemenîye bê netîce û bê ceza manenê.

Ronahî: Tirkiya de Dayîkê Haştîye yê vîst û çar bajaran ra resayî Ankara û çadira Nobeta Haştîye viste a.

Kamîran: Na çalakîye tenya binê çadire de sînordara ya zî bernameyêko înan ê bîn zî esto?

Ronahî: Dayîkanê Haştîye ra Hava Kiran dîyar kerd ke ê do meşte şêrê meclis, tewrê kombîyayîşanê koman ê partîyanê sîyasîyan bibê û uca de peyama xo ya haştîye ser o pare bikerê.

Ronahî: Taxa Şêxmeqsûd a bajarê Helebî de, saete des û nêmê na şewdira bi çekan hêrişêk ame meydan.

Ronahî: Di kesê ke motorsîklet ser o bîyî, nezîkê yew mizgevte de guleyî varnayî di birayan ser. Her di birayê bi nameyê Ebdo Osman û Hisên Osman cayê hedîse de cuya xo kerd vînî.

Kamîran: Nasnameyê hêrişkeran yan zî sebebê na rûdane dîyar bîyo?

Ronahî: Derheqê bikeranê hêrişî û sebebê ci de heta nika tu melumato zêde nêameyo tesdîqkerdene.