Kamîran: Xebere ma ya eştêne Misir ra yena, başûrê paytext Qahîre de xeta asinkî ser de qezayêka girane qewimîyê.

Ronahî: Mintiqa Eyatî ya ke girêdayeyê eyaletê Cîzayî ya de di trênî pê dir mendê. Goreyê Wezaretê Weşîye yê Misirî, çar kesan cuya xo vînî kerde û heştay û heşt kesî zî dirbetin bîyî.

Ronahî: Heyetê Neteweyî yê Xetanê Trêne da zanayene ke trêna ke Cîza ra şîyêne Fiyûm, aye trêna bîne ya ke Qahîre ra şîyêne Eswanî dabîye piro.

Kamîran: Heseke, Kobanî û mintiqa Girkê Legê de zî kûçeyan de tevgêrêk bibi, wendekarî vera tayê biryaranê serê ziwanê perwerdeyî vejîyayî.

Ronahî: Wendekarî vernîya çerxereya Kevokî ya Heseke de, meydana Şehîd Egîdî ya Kobanî de û Girkê Legê de vejîyayî waran. Înan waşt ke perwerdeyê kurdkî dewam biko û qanûnê bingeyênî de ziwanê kurdkî bi hawayêko fermî bêro şinasnayene.

Ronahî: Beyanatanê înan de vera qeraro ke perwerdeyê kurdkî keno teng bertek ame ramojnayene û ame waştene ke heqê ziwanê maye bêro pawitene.

Kamîran: Nê waştişê qanûnî yê bingeyênî rojeka naye de deng danê pêro.

Ronahî: Rojawanê Afrîqa de zî yew keştîya koçberan noqê awe bîye.

Ronahî: Wezaretê Karê Zereyî yê Senegalî da zanayene ke peravê Kebemerî de keştî bimbilîyaye û şewa hewtê Aşma Payîze ra heta nika cenazeyê vîst û yew kesan ameyê vînayene.

Kamîran: Miyanê înan ra tenya yew kes weş mendo?

Ronahî: Eya, tenya yew kes ame xelisnayene û wezaretî bixapêne roza hadîse bi zelalî eşkera nêkerde.

Kamîran: Japonya de zî erd lerza û hejîyayîş nezîkê paytextî de zî ame hîskerdene.

Ronahî: Sazîya Meteorolojîye ya Japonya da zanayene ke bi xurtîya panc virgula hewt rojawanê eyaletê Shizuokayî de, xorîya çil kîlometreyan de erdlerz virazîyayo. Erdlerz di sey kîlometreyî dûrê Tokyo de ame rûdayene.

Ronahî: Goreyê melumatê îdareyê herêmî û çimeyanê çapemenîye, eyaletanê Shizuoka û Aichîyî de tewr kêmî vîst û çar kesî dirbetin bîyî, ke miyanê înan de cinîyêka nodserre zî esta.

Kamîran: Yemen ra zî hetê erdê Siûdîye ser di fuzeyî ameybî eştene.

Ronahî: Koalîsyono ke binê serkêşîya Erebistanê Siûdî de yo pare kerd ke sîstemê înan ê pawitişî berîya ke biresê hedef, her di fuzeyê Hûsîyan ê ver bi Rîyadî îmha kerdê.

Ronahî: Qiseykerdoxê koalîsyonî Tirkî El Malikî da zanayene ke înan eyaletê Sedeyî yê Yemenî de her di rampayê eştişê fuzeyan zî kerdo xirabe.